Danielsson: Referendumi do ta krijojë të ardhmen e gjeneratave të reja

Maqedonia

Danielsson: Referendumi do ta krijojë të ardhmen e gjeneratave të reja

Më: 29 gusht 2018 Në ora: 14:26
Christian Danielsson

“Më 30 shtator qytetarët do të bëjnë zgjedhjen e cila do ta formojë të ardhmen e vendit tuaj dhe kjo zgjedhje do të ketë pasoja për gjeneratat e ardhshme. U bëj thirrje ta shfrytëzoni të drejtën tuaj demokratike dhe të votoni në referendumin në vijim”.

Këtë sot e deklaroi drejtori i Drejtorisë për Zgjerim dhe Politikë Fqinjësore të Komisionit Evropian, Christian Danielsson, në hapjen e serisë së dialogjeve me qytetarët “Paramendo të ardhmen së bashku”.

Ai dërgoi uroi politikanët dhe institucionet e Maqedonisë për arritjen e Marrëveshjes me Greqinë për zgjidhjen e çështjes së emrit që, sipas tij e hap rrugën e vendit drejt Evropës.

Në lidhje me fillimin e fushatës së sotme të Delegacionit të KE-së në Maqedoni, Danielsson tha se qytetarët janë në thelbin e kësaj ideje, por shtoi se vetë barrën që të zbatohen këto dialogje të vërteta e kanë komunat të cilat duhet të sigurojnë kushtet e vërteta duke u ballafaquar me problemet reale të qytetarëve.

Kryeministri Zoran Zaev në fillimin e fushatës tha se kjo nuk është fushata e parë por as e fundit e BE-së në vend dhe është njëra nga seria e fushatave me të cilën miqtë dhe partnerët tanë evropianë na përkujtojnë se kemi të tashme të përbashkët të cilën e ndërtojmë tashmë dy dekada në rrugën e anëtarësimit tonë të plotë në BE.

Ndërsa ambasadori i BE-së në vend Samuel Zhbogar tha se përmes fondeve të BE-së në 20 vitet e kaluara janë sjellë një milion euro para evropiane përmes projekteve të cilat gjeneruan rezultate të mëdha.

Sot mund të lexoni Shfletoni kopertinat