VMRO-DPMNE së fundimi është deklaruar se për to edhe mëtej Marrëveshja e Prespës është një doklumet i parpranueshëm, dhe se nuk e mbështesin asnjë gërmë nga ajo që shkruan në të.
Nga ana tjetër, deri në mbajtjen e Referenendumit kanë ngelur edhe disa ditë, ndërsa VMRO-DPMNE nuk ka precizuar edhe mëteh qëndrimin e saj për mbështetje apo bojkot të së njëjtit.
A do të lëshojë pe VMRO-DPMNE? A do të bëhet pjesë e rrugëtimit euroatlantik të Maqedonisë?
Analisti politik Isen Saliu në një prononcim, thotë se nuk është shumë i rëndësishëm qëndrimi i VMRO-DPMNE-së lidhur me Referendumin.
"Mendoj se qëndrimi i VMRO-DPMNE-së nuk është shumë i rëndësishëm lidhur me referendumin. Kjo parti dhe partneri i saj 10 vjeçar tani janë tejet të dobët dhe nuk mund as të ndihmojnë, e as të pengojnë proceset e rëndësishme politike në Maqedoni, e posaçërisht ato që kanë të bëjnë me eurointegrimet. Ata nuk kontrollojnë më Ministrinë e Punëve të Brendshme, prandaj nuk kanë në disponim as votuesit e Pustecit. Krejt kjo shkon në favor të suksesit të referendumit", thekson analisti politik Isen Saliu.
