“Edhe dy ditë deri në heshtjen e referendumit, Zoran Zaevi dhe klani i tij kriminal vazhdojnë të fshehin informacione dhe të udhëheqin fushatë të rreme për vlera evropiane. Është e qartë se ata vënë bast me identitetin e shtetit, qytetarëve dhe të institucioneve dhe në fund humbën bastin”.
Sipas partisë opozitare maqedonase OBRM-PDUKM, ata duhet t’u tregojnë qytetarëve se ky referendum është për Maqedoni Veriore, dhe jo për Maqedoni Evropiane, sepse siç thonë ata, me kriminalitetin dhe papërgjegjësinë e tyre nuk do të mund të sjellin perspektivë evropiane në Republikën e Maqedonisë.
“Marrëveshje e Prespës është kapitullim klasik, për çka flet edhe heshtja e Qeverisë kur bëhet fjalë për amendamentet kushtetuese. Zaevi vazhdon të ik të thotë se për çfarë votohet, çfarë ndryshohet, si do të jetë statusi i popullit maqedonas, si do të jetë Preambula, në cilin kontekst do të përmendet ASNOM-i, themeli i shtetësisë së Maqedonisë e disa paqartësi tjera në këtë marrëveshje”, thonë nga OBRM-PDUKM-ja.
Ata shtojnë se një gjë është e qartë se qeveria kërkon t’u besojë në fjalën e Zaevit i cili, sipas kësaj partie, është i njëjti ai i cili betohej për fëmijët e tyre, për prindërit dhe pasardhësit se nuk do ta ndryshojë Kushtetutën dhe emrin kushtetues.
OBRM-PDUKM-ja thoë se Zoran Zaevi dhe qeveria heshtin për informacionet se në Preambulë do të shkruhet: “Qytetarët e Republikës së Maqedonisë Veriore, populli maqedonas, populli shqiptar si dhe qytetarët që jetojnë në kufijtë dhe që janë, turq, vlleh, serb, rom, boshnjak dhe të tjerët.
Sipas OBRM-PDUKM-së në media tashmë janë publikuar ndryshimet në Preambulë dhe shteti po shndërrohet në shtet binacional dhe fshihet sovraniteti.
