Sekretari i Përgjithshëm i Federatës Evropiane të Gazetarëve (FEG), Ricardo Gutierrez, ka reaguar ndaj kërkesave të OBRM-PDUKM-së, që agjencia shtetërore AIM të zbuloj burimet e saj dhe dënon ashpër çdo përpjekje për të frikësuar mediat, përcjell Telegrafi Maqedoni.
Në një deklaratë për AIM, Gutierrez tha se gazetarët, sipas rregullave të vendosura deontologjike, kanë të drejta të plota dhe duhet të mbrojnë burimet e tyre dhe nuk kanë obligim t’i zbulojnë ato.
“Gazetari Tanja Milevska, si një gazetare e cila punon në Belgjikë, jo vetëm që ka të drejtë për të mbrojtur burimet e saja, por është e detyruar ta bëjë këtë sipas ligjit belg për mbrojtjen e burimeve. Ligjet belge parashikojnë zbulimin e burimeve vetëm në rast të një krimi ose në qoftë se jeta e dikujt është e kërcënuar, ndërsa procedura mund ta udhëheq vetëm gjykatësi hetues, në asnjë mënyrë asnjë parti politike nuk ka të drejtë të kërkojnë diçka të tillë, tha Gutierrez MIA.
Ai kujton të gjitha partitë e opozitës dhe të gjitha partitë në vend se Maqedonia është nënshkruese e të gjitha rezolutave përkatëse të Këshillit të Evropës për mbrojtjen e burimeve brenda lirisë së medias.
