Prokuroria Themelore Publike – Shkup akoma po bën kontrolle në lëndën e formuar në janar të këtij viti, për veprën penale “ndotje e ambientit jetësor dhe natyrës”, që ka të bëjë me punën e deponisë “Drislla” në Shkup.
“Në drejtim që të vërtetohen faktet janë kërkuar informacione nga Inspektorati Shtetëror për Ambient Jetësor për kontrollet e kryera mbi punën e deponisë. Inspektorati deri tek prokurori kompetent ka njoftuar se deponia ‘Drislla’ punon në pajtim me marrëveshjen e arritur me Ministrinë e Ambientit Jetësor dhe Planifikimit Hapësinor, ndërsa matjet në rrethin e deponisë për cilësinë e ajrit, kanë treguar se është në kufirin e të lejuarës sipas legjislacionit evropian”, thonë nga Prokuroria.
Ata shtojnë se edhe përkundër kësaj, prokurori kompetent do të vazhdojë me kontrollet në drejtim që të konfirmojë faktet në këtë lëndë.
