Ahmeti: BDI do ta vazhdojë dialogun me deputetët për zbatim të plotë të marrëveshjes së Prespës

Maqedonia

Ahmeti: BDI do ta vazhdojë dialogun me deputetët për zbatim të plotë të marrëveshjes së Prespës

Më: 28 tetor 2018 Në ora: 16:47
Ali Ahmeti

Kryetari i Bashkimit Demokratik për Integrim, Ali Ahmeti në takim me Ambasadorin e Spanjës, Emilio Lorenzo Serra tha se “BDI-ja do ta përkrahë dialogun me deputetët dhe me partitë parlamentare me qëllim të rritjes së përkrahjes në muajt e ardhshëm”.

“Ahmeti dhe ambasadori Serra biseduan për zbatimin e marrëveshjes së Prespës dhe ndryshimet kushtetuese, si dhe për situatën në rajon. Kryetari Ahmeti theksoi pritjet e tij në lidhje me mbështetjen në Kuvend për procesin e integrimit të vendit të rritet për mbarim të suksesshëm të procesit. BDI-ja do të vazhdojë dialogun me deputetët dhe partitë parlamentare me qëllim të rritjes së mbështetjes muajve të ardhshëm”, kumtojnë nga BDI.

Ambasadori Serra theksoi përkrahjen e Spanjës për integrimin e Maqedonisë në NATO dhe BE.

Në takim është diskutuar edhe për situatën në rajon dhe për rrethanat gjeopolitike dhe gjeostrategjike.

commentFirst article
Sot mund të lexoni Shfletoni kopertinat