Kryeministri Zoran Zaev pasdite në Kuvend do të ketë takim me grupin e pavarur të deputetëve, të cilët u përjashtuan nga partia opozitare maqedonase OBRM-PDUKM.
Kryeministri Zaev pritet që me tetë deputetët tashmë të pavarur të diskutojë për draft-amendamentet për ndryshimin e Kushtetutës.
Përndryshe, nesër skadon afati kur qeveria duhet të dorëzojë amendamentet në Kuvend.
Në takimin e parë ditën e hënë u bisedua për katër kërkesat e deputetëve që votuan “pro” ndryshimeve kushtetuese.
Në grupin e deputetëve të pavarur janë Krsto Mukoski, Ljuben Arnaudov, Sasho Vaslevski, Elizabeta Kançeska-Milevska, Vlladinka Aviroviq, Zeqir Ramçilloviq, Nolla Ismajllovska-Starova dhe Emilija Aleksandrova.
