Vozitja e shpejtë është shkaktari numër një për fatkeqësitë në aksidentet e komunikacionit. Këshilli republikan për siguri në rrugë (KRSRr) informon se vitin e kaluar në Maqedoni 72 persona, gjegjësisht 46 për qind nga numri i përgjithshëm i personave të vdekur, kanë humbur jetën si pasojë e vozitjes së shpejtë,
Në vitin 2017 më shumë se gjysma e personave të vdekur në aksidentet në Evropë, kanë pësuar për shkak të vozitjes së shpejtë. Disa për shkak të mos përshtatjes së shpejtësisë me kushtet e rrugës, ndërsa disa të tjerë për shkak të injorimit të rrezikut.
KRSRr i këshillon shoferët që të jenë të kujdesshëm gjatë vozitjes dhe të respektojnë rregullat në komunikacion.
Shpejtësia e lëvizjes në rrugët e Maqedonisë është e kufizuar varësisht nga kushtet e rrugës dhe e njëjta është e shënuar me shenjë adekuate. Gjobat për mosrespektimin e obligimeve në komunikacion janë deri 400 euro.
