Shkrimet mbi dhënien e azilit për ish-kryeministrin Nikola Gruevski janë të rreme, pasi ai do të ekstradohet në Maqedoni dhe do të vuajë dënimin me burg.
Kështu tha zëdhënësi i Qeverisë së Maqedonisë Mile Bosnjakovski në konferencën e sotme për shtyp.
Ai shtoi se qeveria maqedonase pret nga autoritetet hungareze të hedhin poshtë kërkesën për azil dhe të ekstradojnë Gruevskin.
“Procedura për ekstradim është nisur, dokumentacioni i është dërguar autoriteteve në Hungari dhe kjo është një procedurë e veçantë në lidhje me procedurën e azilit”, tha Bosnjakovski, raporton televizioni maqedonas Telma.
Bosnjakovski nuk ka komentuar mbi deklaratën e presidentit të Serbisë Aleksandar Vuçiq për lëvizjen e Gruevskit, dhe se lëshimi për faktin se nuk ka pasur urdhër-arrest ndërkombëtar në atë kohë dhe se Gruevski ka mundur ligjërisht të kalojë kufijtë.
