Ministrja e Mbrojtjes, Radmilla Sheqerinska në seancë plenare sot tha se qëllimi i ministrisë për këtë vit është që të punësoj 375 ushtarë profesionistë.
“Qëllimi ynë është që këtë vit 375 ushtarë profesionistë shtesë të pranohen në ushtri, sepse ushtria ka nevojë për përtëritje. Fatkeqësisht, ju keni të drejtë në dy testet e para ishte numri i vogël i anëtarëve të pranuar edhe i komunitetit shqiptar, por edhe e komuniteteve të tjera ishte e ulët” tha Sheqerinska.
Megjithatë, siç shtoi ministrja, përveçse duke pasur parasysh parimet kushtetuese, një nga këto parime të rëndësishme është se përfaqësimi i barabartë duhet të marrë parasysh parimet ligjore.
Sipas asaj, nuk bëhet fjalë në atë se ku të ndërhyjnë politikanët, por megjithatë duhet të sigurohet se në të gjithë këtë proces nuk do të ketë diskriminim. Ajo shtoi se duhet të kërkohet zgjidhja e duhur në ndryshimin e ligjit.
Ajo tha se sipas programit për vazhdimin e reformave në Maqedoni në lidhje me anëtarësimin e Maqedonisë në NATO, është planifikuar që në muajt e ardhshëm të propozohen ndryshime në Ligjin për shërbim në Armatë.
