Banka Popullore e Republikës së Maqedonisë (BPRM) dhe Banka Qendrore Evropiane (BQE) kanë nënshkruar memorandum për bashkëpunim në sferën e mbikëqyrjes.
Përmes një komunikate nga BPRM thonë se në pajtim me rregullat, bashkëpunimi mes dy institucioneve do të drejtohet drejt sigurimit efektiv të këmbimit të informacioneve mbikëqyrëse,
“Nënshkrimi i këtij memorandumi është konfirmim i vendosmërisë së BPRM-së në mbajtjen e stabilitetit dhe sigurisë të sistemit bankar. Siç është theksuar edhe në dokument, bashkëpunimi është me rëndësi të madhe për përparimin e mëtejshëm, stabilitetit dhe efikasitetit të bankave”, thuhet në njoftim.
Ata më tej shtojnë se memorandumi për bashkëpunim në sferën e mbikëqyrjes është një nga treguesit për thellimin e komunikimit mes BPRM-së dhe BQE-së, i cili sipas tyre, do të vazhdojë edhe në të ardhmen./
