OBRM-PDUKM: Mbi një mijë qytetarë humbin jetën nga ajri i ndotur - Bota Sot
OBRM-PDUKM: Mbi një mijë qytetarë humbin jetën nga ajri i ndotur

Maqedonia

OBRM-PDUKM: Mbi një mijë qytetarë humbin jetën nga ajri i ndotur

Më: 5 dhjetor 2018 Në ora: 10:43
OBRM-PDUKM

Nëpërmjet një kumtese të lëshuar nga partia opozitare maqedonase OBRM-PDUKMthuhet se “Maqedoni po ngulfatet. Qytetarët janë viktimë direkt të paaftësisë së qeverisë ku në krye të saj është i amnistuari Zoran Zaev”.

Ata thonë se sipas të dhënave të Agjencisë evropiane për mjedis jetësor (EEA), Maqedonia është shteti më i ndotur në Evropë,

“Më shumë se një mijë qytetarët në vjet humbin jetën si rezultat i ndotjes së madhe të ajrit”, thonë nga OBRM-PDUKM duke thënë se Qeveria nuk ka zgjidhje për problemin e ndotjes së ajrit.

Sipas OBRM-PDUKM-së, edhe pse LSDM-ja premtonte plan preciz dhe zgjidhje të këtij problemi në realitet tregon se një gjë e këtillë nuk ekziston. LSDM-ja, sipas OBRM-PDUKM-së, nuk ka as plan as vullnet për zgjidhjen e ndotjes së ajrit dhe se premtimet zgjedhore të LSDM-së dhe Zaevi u konfirmuan se kanë qenë manipulim të qytetarëve të Maqedonisë me të vetmin qëllim, ardhja në pushtet.

“Mjetet buxhetore që Qeveria i ndan për zgjidhjen e problemit të ajrit janë skandaloze. Maqedonia nuk mund ta zgjidh problemin e ndotjes së ajrit me 1.5 milion të turpshme. Edhe më skandaloze është se Qeveria për furnizimin e automjeteve luksoze dhe moblijeve e shpenzoi të njëjtën shumë të parave shtetërore, para të qytetarëve”, kumtojnë nga OBRM-PDUKM.

Ata shtojnë se nëse LSDM-ja me të vërtetë dëshiron ta ndalojë ndotjen e ajrit, në vend se të vendos masa diskriminuese, OBRM-PDUKM propozon që Qeveria të sigurojë subvencione në vlerë prej 50% për furnizimin e automjeteve elektrike dhe hibride në qytetet më të mëdha në 3 vitet e para, dhe më pastaj masa të zgjerohet edhe në mjediset tjera.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...