Dua Lipa ka qenë një prej tifozëve të stadiumin Emirates për ta përcjellë nga afër derbin ndërmjet Arsenalit dhe Chelseat.
Këngëtarja shqiptare me famë botërore ishte ulur në pjesën e tifozëve të Arsenalit, së bashku me prindërit e saj, Anesa dhe Dukagjin Lipa.
Pjesëtarët e familjes Lipa kanë publikuar video dhe fotografi në rrjetet sociale nga ndeshja derbi që u zhvillua në Londër.
Në këtë ndeshje, ata e kanë mbështetur Arsenalin duke u shfaqur si tifozë të flaktë të Topçinjve.
Në disa video të publikuara nga Dukagjin Lipa, babai i këngëtares i ka fokusuar edhe lojtarët e Arsenalit teksa i gëzohen triumfit.
Për më shumë, ata e kanë pasur mundësinë ta shohin nga afër edhe mesfushorin shqiptar të Arsenalit, Granit Xhaka.
Kujtojmë që Topçinjtë arritën fitore prej 2-0 kundër Chelseat duke hyre fuqishëm në garë për katër vendet e parë në Ligën Premier.
