Së fundmi në emisioni “You & Me” në Radio NRG ka qenë e ftuar moderatorja e njohur shqiptare, Anjeza Maja, e cila pas largimit nga Top Channel ka filluar punë të re në stafin e kryeministrit Edi Rama.
Siç dihet ajo është mjaft diskrete për jetën personale dhe asnjëherë nuk është dëgjuar për ndonjë lidhje të saj.
Mirëpo, si rrallëherë Anjeza ka folur për jetën private dhe është pyetur nga moderatorja se kur e ka dhënë puthjen e fundit, moderatorja ka habitur me përgjigjen e saj.
“Nuk e mbaj mend, kam shumë kohë pa dhënë puthje tani që mu kujtua. Unë s’kam dhënë kurrë një puthje dashurie”, ka thënë ajo.
Më pas ka shpjeguar se është single pasi për momentin ka një krizë meshkujsh sepse ajo ende nuk ka mundur të gjej një mashkull që të jetë në nivelin e saj.
“Do të doja të kisha në krahë një mashkull që është në nivelet apo punën që bëj unë. Ndoshta janë në një fazë që po realizohen, por nuk është se ka shumë meshkuj në qarkullim. Unë besoj tek dashuria dhe mund të mos jetë ai që kam projektuar në mendjen time personi që do krijoj një marrëdhënie, pra mjafton që të bie në dashuri”, ka thënë moderatorja.
