Dua Lipa edhe një herë bën historinë, fiton dy çmime Grammy - Bota Sot
Dua Lipa edhe një herë bën historinë, fiton dy çmime Grammy

Mediale Vip

Dua Lipa edhe një herë bën historinë, fiton dy çmime Grammy

Nga: Bota sot Më: 11 shkurt 2019 Në ora: 00:47
Dua Lipa

(E plotësuar) - Këngëtarja shqiptare Dua Lipa ka fituar dy çmime “Grammy”.

Ajo fillimisht është shpërblyer për bashkëpunimin me Mark Ronson dhe Diplo, 'Electricity', duke u zgjedhur si kënga më e mirë  'Dance' e vitit.

Bukuroshja shqiptare, pos kësaj ka fituar edhe çmimin “Artistja më e mirë e vitit”, përcjell Bota sot.

Image

“Jam artiste me dy çmime Grammy!!! Jam shumë e përulur dhe mirënjohëse në këtë moment. I dërgoj shumë dashuri fansave të mi, familjes sime, ekipit tim, të gjithë artistëve të mahnitshëm me të cilët kam punuar dhe bashkëpunuar. Një ëndërr e vërtetë është realizuar! Faleminderit!!”, ka shkruar Lipa në Instagram.

***

Dua Lipa është këngëtarja shqiptare që sapo ka fituar çmim në Grammy Awards. Ajo është shpërblyer në kategorinë  ‘Kënga më e mirë e zhanrit Dance’ (për “Electricity”, bashkëpunimin me dyshen “Silk City” që përbëhet nga Diplo dhe Mark Ronson).

Image

 

Këtë e ka bërë të ditur vetë këngëtarja Dua Lipa përmes një postimi në Twitter. Ajo është shprehur tejet e emocionuar dhe thotë se e ka të vështirë ta besoj.

“Nuk mund të besoj që kjo është e vërtetë”, ka shkruar ndër të tjera Lipa.

Dua Lipa ka qenë femra e dytë më e dëgjuar në vitin 2018 në Shtetet e Bashkuara të Amerikës dhe e para në Mbretërinë e Bashkuar. Albumi që mban emrin e saj e që udhëhiqet nga hitet “Neë Rules” dhe “IDGAF,  ka qenë albumi i katërt më i dëgjuar në Spotify në SHBA në vitin e kaluar.

Karriera e saj ka nisur që në moshë të re dhe ngjashëm sikur Justin Bieber, Shaën Mendes e shumtë të tjerë – duke publikuar në YouTube versione të saj të këngëve të popullarizuara (që njihen si ‘cover’) – shkruan Vanity Fair.

Në videon e mëposhtme mund të shihni reagimin e saj pasi që merr lajmin e madh. Me anë të këtij postimi, ajo ka paralajmëruar se së shpejti do të dalë në tapetin e kuq.

Pos muzikës, ajo është shndërruar edhe në një yll stili duke zbukuruar ballinat e revistave të popullarizuara. Një prej tyre ka qenë edhe versioni britanik i Vogue. Ndërkaq, me postimin e fotografive nga evenimentet e ndryshme, në profilin e saj në Instagram ka arritur afro 26 milionë ndjekës.

Ajo ka kënduar vitin e kaluar në Kosovë, në kuadër të Festivalit “Sunny Hill”, duke falënderuar vendin e saj për përkrahjen në fillimet e saj ndërsa ka premtuar se do të kthehet përsëri në koncerte të tjera.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...