Këngëtarja me origjinë shqiptare, Dua Lipa është shprehur tejet e lumtur për dy çmimet e fituara mbrëmë.
‘Një ëndërr e vërtetë u realizua’, është shprehur ajo përmes një postimi në rrjetin social facebook.
Përmes këtij postimi, ajo ka falënderuar të gjithë fansat e saj, duke thënë se është shumë mirënjohëse dhe përulet para tyre në këtë moment.
Dua gjithashtu falënderoi ekipin e saj, të gjithë artistët dhe ata që bashkëpunuan me të, si dhe normalisht familjen e saj për gjithë përkrahjen.
Përndryshe, Dua Lipa ka triumfuar mbrëmjen e kësaj të diele gjatë ceremonisë së çmimeve “Grammy”.
Ajo është shpallur artistja e re më e mirë për vitin 2019, në ceremoninë e mbajtur në Los Angeles.
Po ashtu ajo u vlerësua edhe si kënga më e mirë ritmike, për këngën “Electricity”.
