Dua Lipa thotë se e ka idhull Pinkun - Bota Sot
Dua Lipa thotë se e ka idhull Pinkun

Mediale Vip

Dua Lipa thotë se e ka idhull Pinkun

Më: 22 shkurt 2019 Në ora: 20:46
Pink dhe Dua Lipa

Zakonisht yjet bëhen idhuj të shumë fansave, por rrallëherë e shohim që artistët të kenë idhull kolegun e industrisë së njëjtë.

Dua Lipa është një ndër këngëtaret më të kërkuara të momentit në saje të këngëve të reja si dhe çmimeve që ka rrëmbyer kohët e fundit.

Zeshkania së fundi ishte paraqitur në ceremoninë e ndarjes së çmimeve Brit Awards, ku u shpërblye për këngën më të mirë fal “One Kiss” të sjell në bashkëpunim me Calvin Harrisit.

Ndërkohë, në prapaskenë 23-vjeçarja ka zbuluar se ka takuar këngëtaren që e ka frymëzuar dhe e ka pasur idol ndër vite.

Bukuroshja ka publikuar në llogarinë personale në Twitter një fotografi teksa shihet në krah këngëtares, Pink.

“Kam takuar idhullin tim natën e kaluar dhe ishte asgjë më shumë se e përsosur. Është kaq e këndshme për ta takuar dikë që ju e keni shikuar gjithmonë, muzika e së cilës ka qenë gjithmonë aty për ju. Faleminderit Pink që je kaq realiste. Ndihem kaq me fat”, ka shkruar ndër të tjerash Lipa.

Ndryshe, Dua është duke punuar në projekte të reja muzikore që do të jenë pjesë e albumit të ri dhe për të cilin nuk do të nis ndonjë turne muzikor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...