Trupi i aktorit të njohur Luke Perry u dogj dhe hiri i tij u shpërnda në fermën ku jetonte, në Vanleer, të Tennessee, vendi që dashuronte më shumë e ku jetoi për 20 vjet.
I larguar nga kjo botë në moshën 52 vjeçare, për shkak të një goditjeje në tru, aktori kishte përzgjedhur djegien e trupit, sipas asaj që shkruan Tmz.
Në fermën që kishte blerë në vitin 1995, falë suksesit që kishte patur në setin e xhirimit, e fejuara e tij Wendy dhe fëmijët Jack dhe Sophie do t'i thonë lamtumirë.
Duket se ish-ylli i "Beverly Hills 90210" nuk i donte shumë mondanitetet dhe celebrimet me bujë dhe për këtë arsye, funerali i tij do jetë i rezervuar vetëm për miqtë dhe familjarët.
Perry do martohej këtë verë me Wendy-n.