Djali i ish-kapitenit të Kombëtares shqiptare, Lorik Cana, i cili në shtator bën 4 vjeç, di plot katër gjuhë të huaja. Kjo falë prindërve të tij dhe shkollës ku studion.
Këtë detaj e ka zbuluar mami Monica, e cila është pyetur nga një ndjekëse në profilin e saj në “Instagram” se sa gjuhë flet djali i tyre.
Boiken flet shqip me babin, ndërsa me mamanë flet frëngjisht dhe italisht. Ndërkohë në shkollë Bojken flet anglisht dhe shqip.
Gjithashtu Monica tregon se i biri e ka vështirë t’i flasë të katërta gjuhët por i kupton të gjitha dhe flet sa të mundet.
“Unë i flas Boikenit italisht dhe frëngjisht. Loriku i flet vetëm shqip. Në shkollë i flasin shqip dhe anglisht. Boikeni nuk flet. Shaka, kupton gjithçka dhe flet si të mundet. Duhet më shumë kohë, por do të ketë një fat të madh”, i përgjigjet Monica ndjekëses së saj.
