Kosova sonte do të hap kampanjën për kualifikimet në kampionatin evropian të vitit 2020.
Përfaqësuesja e Kosovës do të luajë para shikuesve të vetë kundër kombëtares së Bullgarisë.
Një prej shumë personaliteteve të njohura që do të jenë prezent në shkallët e stadiumit është edhe motra e portierit tonë, Arijanet Muricit, Amra.
Ajo ka publikuar një imazh në llogarinë personale në Instagram teksa ka lënë një mesazh mbështetës për “Dardanët”.
“Të gjithë së bashku për fitore”, ka shkruar ajo në rrjetet sociale gjersa shihet e veshur në xhinse dhe një bluzë që theksonin linjat trupore.
Theksojmë se zeshkania ishte prezente edhe në ndeshjen e para katër ditëve, kur Kosova barazoi 2:2 me Danimarkën.
Ndryshe, portieri Murici pritet të jetë në formacionin startues gjatë ndeshjes së sotme që fillon në ora 20:45.
