Dua Lipa bën rrëfimin e sinqertë për jetën e saj dhe fillimet e vështira të karrierës.
Këngëtarja shqiptare, Dua Lipa e ka dhënë një intervistë për prestigjozen “Elle”.
Dua, ka rrëfyer mbi jetën e saj dhe fillimet e para të karrierës të cilat thotë se nuk kanë qenë edhe aq të lehta.
E pyetur sa e lidhur ndihet me Kosovën, meqenëse ka shpenzuar kohën më të madhe në
Londër, Dua Lipa përgjigjet:
“Kosova më ka definuar si njeri. Ne kemi një sens të çmendur komuniteti. Njerëzit i dinë punët tuaja përpara se ti marrësh vesh ti, por gjithmonë më kanë treguar shumë dashuri. Dikush më tha në një intervistë: ‘Ju keni etikën e punës së emigrantëve’, por është më shumë sesa kaq, kur ti do që të të marrin seriozisht. Të jesh nga Kosova apo Shqipëria, ka një paragjykim për këtë. Në filma, çdo shqiptar është një mafi. Po përpiqemi të ndryshojmë atë që njerëzit mendojnë për vendin tonë.”, tha këngëtarja shqiptare.
Dua do të jetë fytyra e ballinës së revistës franceze “Elle” për numrin e ri muajin që po vjen.
