Janë publikuar disa video të reja të Rita Orës ku shihet duke u dhënë dhurata fëmijëve në nevojë.
Qëndrimi tre ditor së fundmi në vendlindje, kësaj here për Rita Orën ishte më i veçantë se çdo herë tjetër.
Kjo pasi këngëtarja shqiptare me famë botërore erdhi në kuadër të një misioni bamirës së bashku me UNICEF-in.
Ajo gjatë qëndrimit të saj në Kosovë ishte e pranishme në një ngjarje të organizuar nga UNICEF e titulluar “ActivateTalks” Rita ka folur lidhur me misionin e saj bamirës dhe është shprehur se është krenare që i përket këtij kombi.
“Jam e lumtur që jam në Kosovë. Kam pasur një udhëtim fantastik me UNICEF-in. Me të vërtetë po mundohem që ta ndihmoj rininë kosovare. Jam e mrekulluar me punën që po bëjnë të rinjtë dhe jam krenare se jam pjesë e këtij kombi. Me të vërtetë jam e lumtur që kam takuar shumë heronj të ri. Faleminderit që më keni pritur”, tha Rita para të pranishmëve. Ajo po ashtu ka vizituar edhe fëmijët në nevojë.
Nëpërmjet një postimi në Instagram ajo ka treguar se kjo ishte një ndër eksperiencat të cilën nuk ka për ta harruar kurrë.
“Ende jam duke kujtuar javën e kaluar, vizitën time në Kosovë, vendin tim të lindjes duke qenë kështu dëshmitare e ndihmës së pakrahasueshme që UNICEF-i u ka dhënë fëmijëve të së ardhmes sonë duke u dhënë atyre shpresë dhe besim. Unë shpreha dëshirën që të ju dhurojë fëmijëve disa lodra dhe pashë se sa të lumtur ishin me lot në sy. Si ambasadore e vendit tim është detyra ime që të sigurohem të bëjë gjithçka që mundem për bamirësi si UNICEF-i të cilët punojnë aq shumë për të siguruar rëndësinë e jetesës së një fëmije. Me ndihmën tuaj, ne mund të bëjmë më shumë në të gjithë botën për të mbështetur të ardhmën tonë. UNICEF faleminderit”, ishin fjalët e Ritës pranë postimit ku shihet duke u dhënë dhurata fëmijëve në nevojë gjatë qëndrimit të saj tre ditor në Kosovë.