Kënga e saj e fundit “Romeo & Juliet” u publikua në shkurt. Në Spotify, kënga është transmetuar mbi 27 milionë herë. Por, tani reperja yll, po prodhon tituj negativ: Ajo thuhet se e ka mashtruar një çift duke iu marrë për më shumë se 700,000 franga.Prokuroria Publike e Luzernit po heton mashtrimin. Në mediat sociale Loredana kritikohet masivisht për sjelljen e saj., shkruan Agjencia e lajmeve zvicerane “20 minuten”. Tani shtrohet pyetja: Çfarë do të ndodh me karrierën e vajzës me rrënjë shqiptare?
Menaxheri i muzikës Oli Rosa thotë: “Loredana lëviz në një mjedis ku një sasi e caktuar e energjisë kriminale është një gjë e mirë dhe shton besueshmërinë e fanbazit. Një rast i tillë, sipas menaxherit Rosa do ta lëndonte Loredanën vetëm nëse ajo dënohet. Elia Binelli, themeluesi i revistës “Lyrics”, thotë: “Karriera e Loredanës do të ndalet nëse ajo do të dënohet, do të vihet në burg dhe në këtë mënyrë nuk mund të prodhojë muzikë”. Aktualisht, është një fenomen i zakonshëm që reperët bijen në konflikt me gjyqësorin.
Ekziston rasti i motrës së raperit gjerman, Ewa, e cila u akuzua për përdhunim. Ai gjithashtu përmend shembuj e reperit amerikan 6ix9ine ose YNW Melly. Ky i fundit përballet edhe me dënimin me vdekje për vrasjen e dy personave.
“Megjithatë, muzika e tij është akoma e kërkuar”, thotë Binelli. “20 Minuten”, tutje shkruan se në korrik Loredana dhe burri i saj Mozzik do të interpretojnë në Openair Frauenfeld. “Openair Frauenfeld nuk mund të komentojë mbi rastin e tanishëm ligjor të artistes Loredana të rezervuar për programin e Festivalit 2019: nga njëra anë, është padyshim një proces në vazhdueshim dhe në anën tjetër është aferë private e artistes”, thuhet në një deklaratë me shkrim nga organizatorët të cilët do të ndjekin nga afër rrjedhën e mëtejshme të rastit dhe ” do të reagojnë në përputhje me rrethanat në varësi të procesit”.
Loredana siguron vende të mira në listat të Spotify. Mbetet të shihet nëse Spotify do të reagojë ndaj rastit.
Ndërkohë, reperi gjerman Farid Bang reagoi me humor duke iu referuar Loredanës, e cila dyshohet se ka përdorur identitetin si avokate Anna Landmann, ai thotë: “Siç rezulton sot, Kollegah nuk është i vetmi rapper që studioi drejtësinë dhe u bë avokat”, pastaj ai shpërthen duke qeshur.
