Sa më shumë ditë kalojnë, aq më shumë afron festivali ‘Eurovision 2019’, ku Shqipëria do të përfaqësohet nga Jonida Maliqi me këngën ‘Ktheju Tokës’. Së fundmi, ajo ka qenë e ftuar në shumë emisione, ku ka dhënë intervista, pasi interesimi i publikut dhe mediave ndaj jetës së saj profesionale apo private, sa vjen dhe shtohet.
E ftuar në ‘Pop Culture’, këngëtarja nuk ka hezituar t’i përgjigjes pyetjes ‘spec’ të moderatorit Kelvi Kadilli, rreth mendimit të saj për mashkullin më të bukur shqiptar.
“Mendoj që një mashkull tipik shqiptar, që e vlerësoj gjithashtu edhe artistikisht, që ka tipare tipike mesdhetare është Nik Xhelilaj”, është përgjigjur Jonida.
Kujtojmë se prej vitesh, Jonida merret dhe me biznes, megjithatë aktualisht ajo është fokusuar në muzikë, duke qenë se performanca e këtij viti në ‘Eurovision’ është një hap i rëndësishëm në karrierën e saj.
