Rihanna bën historinë, e para grua me ngjyrë që krijon firmë veshjesh - Bota Sot
Rihanna bën historinë, e para grua me ngjyrë që krijon firmë veshjesh

Mediale Vip

Rihanna bën historinë, e para grua me ngjyrë që krijon firmë veshjesh

Më: 12 maj 2019 Në ora: 07:06
Rihanna

Rihanna është futur fuqishëm në biznes dhe këtë herë do të bashkëpunojë me firmën franceze Mowt Hennessy Louis Vuitton (LVMH).

Firma e saj quhet "Fenty" dhe lidhet me emrin e plotë Robyn Rihanna Fenty dhe do të dalë në treg në Pranverë 2019.

Ajo do të bëhet gruaja e parë me ngjyrë që udhëheq një shtëpi mode nën markën LVMH dhe e para që krijon një markë origjinale. Këngëtarja, e cila ka 70 milionë ndjekës në Instagram, është e njohur gjerësisht për ndikimin e saj në industrinë e modës.

Fenty që do të prodhojë veshje, këpucë dhe pajisje, është labeli i parë i ri nën markën LVMH që nga viti 1987. Në një deklaratë, Rihanna tha se i është dhënë një mundësi unike për të zhvilluar modën në një sektor luksoz.

"Nuk mund të imagjinoja partner më të mirë dhe jam gati që bota të shohë cfarë kemi krijuar së bashku", tha ajo.

Rihanna ka disa kohë që është futur në tregun e biznesit. Ajo ka një firmë kozmetike që quhet Fenty Beauty dhe arriti rreth 500 milionë euro nga shitjet deri në fund të vitit 2018. Po atë vit, këngëtarja nxorri në treg linjën e saj të të brendshmeve Savage X Fenty që rezultoi një sukses i madh për të.

Moët Hennessy - Louis Vuitton, i njohur edhe si LVMH, është një organizatë shumëkombëshe franceze e bazuar në Paris.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...