Këngëtarja e njohur Kylie Minogue ka folur për luftën kundër kancerit të saj të gjirit dhe pranoi se sëmundja e rëndë e pengoi të mos kishte fëmijë.
Ajo kujton se në vitin 2005 u diagnostikua me kancer dhe pas kësaj ishte e detyruar t’i nënshtrohej terapisë mjekësore.
“Isha 36-vjeçe kur u diagnostikova. Me të vërtetë, atëherë isha në gjysmën e dytë të jetës sime. Në atë kohë, fëmijët nuk ishin ende në plan, por sëmundja ndryshoi gjithçka. Natyrisht nuk dua të mendoj shumë për këtë, por pyes veten se si do të ishte. Gjithkush thotë se ka shumë opsione, por unë nuk e di”, tha këngëtarja për mediat britanike.
Kylie ka zbuluar se ndien keqardhje për disa gjëra në jetë, por përpiqet të ketë qëndrim pozitiv.
“Tani unë jam 50-vjeçe dhe jam shumë më e relaksuar. Nuk mund të them se nuk pendohem për disa gjëra, por mund të them se do të ishte e vështirë për mua të vazhdoja të klasifikoja diçka si një pendim. Ju duhet të pranoni se ku jeni dhe të vazhdoni më tej nga ajo pikë, "tha Kylie.
