Një grua ka harruar në aeroplan bizhuteri me vlerë 3.5 milionë euro, të cilat shtëpitë e arit i huazuan për shfaqjen e këngëtares Rita Ora në festivalin e filmit të Kanës.
Kur u largua nga aeroporti në Nisë më 16 maj, gruaja e caktuar të transferonte stolitë për këngëtaren Rita Ora, e kuptoi se kishte harruar bagazhin bashkë me arin, tha një burim i njohur me rastin për AFP, transmeton KosovaPress.
"Vetëm dikush me kokë në re mund të harrojë miliona në aeroplan", tha me shaka një oficer policie.
Sipas këtij zyrtari, valixhja u kthye në Londër, ku pronarët morën bizhuteritë e tyre.