31 maji i vitit 1967 shënon ditën kur erdhi në jetë emri i njohur i politikës në Kosovë, Kadri Veseli. Kryeparlamentari Veseli njëherësh lider i Partisë Demokratike të Kosovës qysh në vitet e ’90-ta kur ishte student i Bujqësisë aktivizohet në lëvizjet kundër pushtetit serb, deri në themelimin e Ushtrisë Çlirimtare të Kosovës.
Bashkë me përfundimin e luftës, për Kadri Veselin fillon një kapitull i ri jetësor, ai i kthehet edhe jetës private. Në moshën 35 vjeçare mitrovicasi bëhet dhëndër i Llapit duke u martuar me profesoreshën e gjuhës gjermane, Violetën. Çifti tani kanë katër fëmijë, tre djem dhe një vajzë.
Veseli është një prej politikanëve, i cili ekspozon shpesh familjen, si dhe bashkëshortja Violeta është prezente në shumë aktivitete publike të tij.
Ecja nëpër Bjeshkët e Kosovës është hob i tij, e ky hobi siç shihet i ka ndikuar mirë Veselit, i cili gëzon një fizik që çdo njëri mbi 50 vjeç do ta dëshironte.
Sot, ditëlindja e tij e 52-të Kadri Veselin e gjen në postin e Kryetarit të Kuvendit të Kosovës.