Selena Gomez po promovon prej kohësh projektin më të ri kinematografik të saj që mban emrin ‘The Dead Don’t Die’.
Së fundmi, pikërisht për këtë rast, ajo ka qenë e ftuar tek Jimmy Fallon ku ka folur edhe për foton e famshme që bëri xhiron e rrjetit në tapetin e kuq të Kanës.
Selena parakaloi në festivalin më të rëndësishëm në botë me kolegun e saj 68-vjeçarin Bill Murray dhe fotografët arritën të shkrepnin një moment, kur aktori po i pëshpëriste diçka në vesh bukuroshes.
Teksa pa këtë foto, Selena pranoi se është pozë shume e çuditshme, por nuk kishte asgjë me rëndësi në atë që folën. “Ai po më thoshte gjëra qesharake. E dinit që është shumë i çuditshëm? Në një moment të thoshte një kompliment, ndërsa pas pak pyeste me gjithë seriozitetin: ‘Nga ishe ti?”,-u shpreh ajo.
Selena tregoi ndër të tjera se eksperienca me ikonën e kinematografisë e ka bërë të ndihet e nderuar dhe ky film është një sukses dhe një punë shumë e rëndësishme për të.
