Jim Carrey refuzon të bëjë ‘selfie’ me fansat dhe ka një arsyetim interesant për këtë - Bota Sot
Jim Carrey refuzon të bëjë ‘selfie’ me fansat dhe ka një arsyetim interesant për këtë

Mediale Vip

Jim Carrey refuzon të bëjë ‘selfie’ me fansat dhe ka një arsyetim interesant për këtë

Më: 20 qershor 2019 Në ora: 06:27
Jim Carrey

‘Selfiet’ me fansat mund të duken si përditshmëri për të famshmit, mirëpo jo të gjithë pajtohen me këtë. Jim Carrey është nga ata që refuzojnë të realizojnë fotografi të tillë, ndërsa ka disa arsye mjaft interesante për këtë vendim.

Në një intervistë për The Hollywood Reporter, 57-vjeçari ka thënë se nuk i pëlqen të ndalet për fotografi, sidomos kur është fjala për ‘selfie’.

“Kam hequr dorë nga përpjekjet për të qenë diçka për dikë para shumë kohësh. Nuk mendoj se ekziston ndonjë përgjegjësi për t’i kënaqur të gjithë”.

“Nuk jam i pasjellshëm me njerëzit, mirëpo më shumë do të më pëlqente t’u thosha ‘përshëndetje’ dhe ‘si jeni’ dhe ‘çfarë po bëni’ sesa të bëj një selfie”, ka thënë aktori.

Ndërsa, në pyetjen se cila është pakënaqësia e tij lidhur me ‘selfiet’, Carrey shprehet: “Sepse ‘selfiet’ e ndalin jetën”.

Duke vazhduar për këtë temë, ai ka theksuar: “Shkon (bën mimikën e fytyrës), ‘eeehh’. Pastaj e publikon në Instagram duke u dhënë njerëzve ndjenjë të rrejshme të rëndësisë”.

“Të gjithë kanë qenë shumë entuziastë për Steve Jobs, por unë e paramendoj në ferr duke ikur nga demonët që kërkojnë selfie”, ka deklaruar Carrey.

Kjo veti e Jim përfshihet në listën e gjërave interesante që nuk pëlqejnë aktorët. Së fundmi është raportuar se Keanu Reeves nuk pëlqen t’i prekë apo përqafojë fanset e tij gjatë fotografimit. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...