Skandali i Jordyn Woods me Tristan Thompson u shfaq në dy episodet e fundit të ‘Keeping Up With The Kardashians’, duke risjellë dhe njëherë dramën mes tyre. Megjithatë 21-vjeçarja e bëri të qartë publikisht se nuk do të përfshihej në këtë situatë sërish.
“Buzëqesh. Jeta është e shkurtër”,- ka shkruar ajo në një prej postimeve të saj në rrjetet sociale, duke treguar se po vazhdon jetën e saj normalisht. Ky mesazh u shfaq pasi përfundoi episodi i fundit në të cilin u shfaq Khloe Kardashian, duke folur për tradhtinë e ish-partnerit, Tristan Thompson me shoqen e ngushtë të motrës së saj.
Menjëherë pas këtij momenti, kanë qenë të ndryshme reagimet e fansave të familjes së famshme. Të shumtë kanë qenë ata të cilët kanë zgjedhur t’i dhurojnë dashuri Woods, me anë të komenteve të tyre mbështetëse.
