Olti Curri i rikthehet debatit virtual me Fjoralba Ponarin: Unë e bëra të famshme - Bota Sot
Olti Curri i rikthehet debatit virtual me Fjoralba Ponarin: Unë e bëra të famshme

Mediale Vip

Olti Curri i rikthehet debatit virtual me Fjoralba Ponarin: Unë e bëra të famshme

Më: 15 korrik 2019 Në ora: 22:39
Olti Curri dhe Fjoralba Ponari

Pak muaj më parë debati virtual mes Fjoralba Ponarit dhe Olti Currit ishte një nga lajmet që shkaktoi më shumë bujë. Si fillim ishte Olti Curri ai i cili publikoi një video të Fjoralbës në të cilën ajo bënte një lapsus gjatë emisionit “E diell”, ku ajo është bashkëprezantuese me Edi Manushin dhe Nevina Shtyllën. Moderatorja e akuzoi Oltin për bullizëm dhe mes tyre nuk munguan replikat e shumta në “Instagram”. Pavarësisht se debati mes dyshes u mbyll, ditën e djeshme kjo çështje u hap sërish. Gjatë emisionit “E Diell” Fjoralba u shpreh se nuk lejon askënd t’i shtrembërojë imazhin, ndaj ajo reagoi aq ashpër ndaj Oltit. Ndërsa ky i fundit i është përgjigjur sërish përmes rrjete sociale, duke thënë se Fjoralba duhet ta falendrojë se ai i dha famë.

“Imazh!!! Një mirazh nuk bëhet kurrë imazh. Shikoj që Fjoralba ende gëzon dhe flet për ngjarjen më të rëndësishme të jetës së saj profesionale (sa fjalë e madhe profesion!). Ngjarja është që e bëra të famshme se deri në atë moment qëndronte (ç’është e vërteta me dinjitet) mes turmës së vajzave të ekranit (kur flitej për emisionin në mesin e publikut të gazetarëve dhe bloggereve ishte: ajo biondja që del me Manushin, domethënë jo Marina ajo tjetra). Edhe sot që po e përmend po e nxjerr prapë nga turma, ku do të rikthehet përsëri për të mos u nxjerrë më kurrë”, ka shkruar Olti bashkangjitur fotos së një lajmi.

Më pas ai ka shtuar me ironi se në sezonin e ri televiziv do hapë aplikimet për ata që ëndërrojnë televizionin dhe famën.

Fjoralba nuk ka reaguar ende pas këtij mesazhi nga ana e Currit, ndaj na mbetet të shohim nëse ky debat i ashpër mes personazheve të njohur do të vazhdojë për shumë gjatë.

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...