Sophie Turner së fundmi është nominuar për çmimin si aktorja më e mirë mbështetëse për rolin e saj të ‘Sansa Stark’ në filmin ‘Game of Thrones’. Për 8 sezone me radhë Sophie e solli këtë karakter në mënyrën më të mirë dhe tashmë puna e saj po shpërblehet. Për këtë gjë Joe Jonas ka shprehur publikisht krenarinë për partneren e tij, me të cilën u martua pak javë më parë. Këngëtari i njohur publikoi në ‘Instastory’ një foto të tijën dhe të Sophie dhe përkrah saj shkruajti: “Sophie Turner e nominuar për çmimet ‘Emmy’. Jam tepër krenar për ty”.
Ky nominim për Sophie vjen në një moment shumë special, sepse për momentin ajo po kalon ditët e saj të muajit të mjaltit së bashku me Joe në Maldives. Çifti i njohur kanë publikuar në rrjete sociale një sërë fotosh nga qëndrimi i tyre atje në një resort luksoz. Sophie dhe Joe si fillim u martuan në muajin maj në Las Vegas dhe më pas në qershor organizuan një ceremoni të dytë në Francë, në të cilën ishin të ftuar gjithë miqtë dhe të afërmit e tyre.
