Ed Sheeran është një nga artistët më të paguar të momentit dhe sigurisht blerjet e tij të shtrenjta justifikohen. Së fundmi është mësuar se këngëtari ka shpenzuar plot 4 milionë paund për blerjen e një shtëpie të re, pas ankesave të fqinjëve të tij për zhurmë. Ed ka blerë dy shtëpi ngjitur rezidencës së tij prej 19.8 milionë paundësh në Londër. Burime pranë këngëtarit kanë treguar për “The Sun” se fqinjët dilnin shpesh kundër tij për shkak të muzikës me zë të lartë, ndaj Ed nuk u mendua dy herë që të blinte një shtëpi të re. Këto dy shtëpi këngëtari i ka blerë pranë restorantit të tij, duke qenë se dëshiron ta zhvillojë akoma dhe më shumë si biznes. Ed Sheeran ka në pronësi 22 objekte, të cilat të gjitha së bashku kushtojnë 47 milionë paund. Më herët këngëtari ka treguar se fama dhe vëmendja e njerëzve i shkakton ankth dhe nuk e bën të ndjehet mirë, ndaj kjo duhet të jetë një arsye më tepër që ai ka vendosur të shkëputet nga fqinjët e tij.
