Përveç se partnerë në profesion, Bieta Sulo dhe Alban Dudushi janë partnerë dhe në jetën e përditshme. Ata janë prindër të një djali, Kroi, të cilin e publikojnë shpeshherë në rrjetet e tyre sociale me foto apo video shkëputur nga momentet që kalojnë bashkë si familje. Sigurisht, nuk mungojnë as dedikimet të Bietës ndaj Albanit, apo dhe anasjelltas. Sot, gazetarja ka publikuar në ‘Instastory’ një foto të realizuar nga ajo, me një pamje tejet të bukur në plazh. “Hej hej avash një moment ti djali, se unë ta kam realizuar këtë super foton… edhe pse më duhet ta pranoj që ti je frymëzimi”, ka shkruar Bieta. Mes një pune të ngarkuar si gazetare dhe një anxhende të rënduar, Bieta dhe Albani duket se kanë gjetur kohë të ‘arratisen’ larg qytetit dhe me siguri pranë tyre ndodhet dhe vogëlushi Kroi.
