Pak ditë më parë u gjet e vdekur në banesën e saj një blogere e bukurisë, Ekaterina K. 24-vjeçarja nga Rusia u gjet e zhveshur, me fytin e prerë dhe e qëlluar disa herë me thikë.
Nga hetimet e para të policisë vendase, rezultoi se vrasja kishte ndodhur për shkaqe xhelozie nga ish- partneri 32-vjeçar i modeles.
Së fundmi, ai duket se e ka pranuar krimin përpara policisë dhe ka rrëfyer se e kishte bërë pasi Ekaterina kishte fyer aftësitë e tij seksuale.
“Ajo më ofendoi shumë herë. Më tha që nuk isha i mirë në seks. Nuk mund ta duroja”- është shprehur 32-vjeçari, duke shtuar se e kishte goditur pesë herë me thikë në qafë dhe në gjoks.
