Nuk është hera e parë që Demi Lovato flet publikisht për frikërat e saj në lidhje me pamjen e jashtme. Megjithatë, çdo herë që e bën duket se gjen mbështetje të madhe dhe shërben si ngushëllim për shumë vajza që i vuajnë imperfeksionet e trupit të tyre. Së fundmi ajo ka ndarë një foto me bikini në Instagram, ku tregon qartë celulitin dhe ka shkruar një mesazh të gjatë që ia vlen të lexohet.
Fotoja e Demi-t e edituar
“Kjo është frika ime më e madhe. Një foto imja me bikini pa photoshop. Dhe gjejeni çfarë? Kam celulit! Jam me të vërtetë shumë e lodhur duke pasur turp nga trupi im, duke e photoshop-uar (po, fotot e tjera me bikini i kam edituar, e urrej që e kam bërë këtë gjë, por kjo është e vërteta). Të tjerëve mund t’u jem dukur e bukur, por ajo nuk jam unë. Kjo jam unë! Dua që ky kapitull i ri në jetën time të jetë për të qenit autentike, të jem ajo që jam dhe jo të mundohem të arrij standardet e dikujt tjetër. Kështu që ja ku jam, pa turp, pa frikëra dhe krenare për trupin tim që ka kaluar shumë dhe do vazhdojë të më mrekullojë kur një ditë do të lind një fëmijë.
Është një ndjenjë e mrekullueshme të kthehesh në televizion/film duke mos u stresuar për të ushtruarin për 14 orë apo për privimin nga një tortë ditëlindjeje. Gjithsesi, kjo jam unë, e vërteta! E dua veten time dhe ju duhet ta duani veten tuaj gjithashtu. Shpresoj të frymëzoj dikë për të vlerësuar trupin e tyre”, -ka shkruar Demi.
