Kate Middleton dhe Princi William janë prindër të tre fëmijëve; George-it, Chalotte-s dhe Louis-it. Ata kanë treguar se u pëlqen të kenë një familje të madhe, por edhe pse nuk janë shprehur se janë gati për ta zgjeruar, njerëzit janë të bindur se bebushi numër 4 është rrugës. Disa shenja nga ana e Kate kanë bërë që e gjithë bota të flasë për një shtatzëni të mundshme të dukeshës së Kembrixhit.
Kate u shfaq duke shoqëruar fëmijët në ditën e parë të shkollës. Ajo që ra në sy ishte një ndryshim në pamjen e dukeshës. Ajo kishte çelur ngjyrën e flokëve dhe kishte ndryshuar modelin e tyre. Nisur nga herët e tjera, Kate e ka bërë këtë ekperimentim me pamjen gjithmonë kur ka qenë në muajt e parë të shtatzënisë, në mënyrë që vëmendja të përqëndrohet te pamja dhe jo te barku i saj apo kilogramët e shtuar.
Po ashtu, një tjetër shenjë që ka shtuar edhe më shumë dyshimet është se dukesha ka mbyllur axhendën e saj të takimeve. Ajo dëshiron të bëjë një periudhë pushim dhe sipas njerëzve kjo mund të jetë për shenjë e një shtatzënie. Duke qenë se të treja shtatzënitë e dukeshës kanë qenë të komplikuara dhe ajo ka pasur shumë shqetësime muajt e parë, kjo periudhë pushimi i ka bërë të gjithë të mendojnë se Kate mund të jetë shtatzënë.
Plus, një burim ka treguar se Charlotte është dëgjuar t’u thotë shokëve në shkollë se e ëma do të lindë një vajzë tjetër. Nuk dihet sa e vërtetë mund të jetë, megjithatë këto shenja kanë qenë të mjaftueshme që mediat në botë të shkruajnë dhe të aludojnë se një tjetër bebush mbretëror është rrugës.