Këngëtari i njohur, Korab Shaqiri ditën e djeshme e ka mbrojtur me sukses disertacionin e doktoratës, duke fituar gradën shkencore “Doktor i kompozicionit” me dy tema: “I miri i motrës”, kantatë për mezosopran, kor dhe orkestër A3; si dhe “Ndikimi i muzikës tradicionale në opusin e kompozitorit bashkëkohor kosovar Valton Beqiri”.
Pas titullit të marë Korabi ka zgjedhur llogarinë e tij në Instagram për t’i falënderuar të gjithë ata që i kanë qëndruar pranë.
“Të dashur miq! Dje me datë 18 shtator 2019 në Universitetin “Shën Kirili & Metodi” në Shkup, e mbrojta me sukses disertacionin e doktoratës, duke fituar gradën shkencore “Doktor i kompozicionit” me dy tema: “I miri i motrës”, kantatë për mezosopran, kor dhe orkestër A3; si dhe “Ndikimi i muzikës tradicionale në opusin e kompozitorit bashkëkohor kosovar Valton Beqiri”. Falënderoj përzemërsisht mentorin tim akademikun Stojan Stojkov, për mësimet dhe këshillat tepër të vyera gjatë viteve studimore! Për ju zgjodha një tablo të shkurtër muzikore nga kantata “I miri i motrës” dhe disa foto nga familja ime dhe miqt e mi, ndërsa komplet veprën, mund ta gjeni në: YOUTUBE:
“Sister’s beloved brother” – Cantata for mezzosoprano choir & orchestra – Korab Shaqiri”, shkruan në postimin e plotë që ai e ka bërë në Instagram.
