Filmi i Disneyt ‘Maleficent 2’ do të ketë si kolonë zanore këngën “You Can’t Stop The Girl”, të kënduar nga artistja me origjinë shqiptare Bebe Rexha.
Ka qenë vetë Bebe ajo që ka publikuar videon e këngës në rrjetin social intagram, duke na njohur kështu me arritjen e radhës në karrierën e saj.
Filmi “Maleficent 2”, është një vazhdim i atij të shfaqur në vitin 2014, i cili tregoi historinë sesi u ngurtësua zemra e një gruaje. Në “Maleficent: Mistress of Evil” do të trajtohet kthesa e papritur në jetën paqësore në Moors. Në dasmën e Aurorës dhe princit Philip, nëna e tij kërkon të ndajë njerëzit nga zanat njëherë e përgjithmonë. Maleficent dhe Aurora gjenden në anët e kundërta të një lufte të ashpër.
