Për të gjithë ju që jeni shumë të lidhur me gjakun blu, kemi disa lajme të mira. Princesha Beatrice u fejua! Po, kjo do të thotë që shumë shpejt do të kemi dasmë. Partneri i saj, Edoardo Mapelli Mozzi, i propozoi gjatë një udhëtimi në Itali fundjavën e kaluar. Lajmin e lumtur ata e kanë ndarë me publikun me anë të një deklarate.
“Jemi ekstremisht të lumtur të ndajmë me ju lajmin e fejesës. Jemi të dy të emocionuar të fillojmë këtë aventurë së bashku dhe mezi presim të martohemi. Ndajmë shumë interesa dhe vlera të përbashkëta dhe e dimë që ky do të jetë motivimi ynë në vitet që do vijnë, që do jenë të mbushur me dashuri dhe lumturi”, -është shprehur çifti për mediat.
Fotot e fejesës po bëjnë xhiron e rrjetit dhe janë shkrepur nga motra e Beatrice-s, Eugenie.
Nëse jeni kuriozë, kjo është unaza e fejesës.
Dasma do të mbahet në vitin 2020, ndërsa vendi nuk dihet por me shumë mundësi do të jetë kishëza St. George’s Chapel, ku u martua kushëriri i saj, Princi Harry me Meghan Markle, si dhe e motra Eugenie.