Alban Ramosaj është kthyer me projekt të ri muzikor pas një kohe të gjatë.
“Të kam dashtë” mban titullin kjo këngë, e cila vjen e kompletuar edhe nga ana vizuale.
Klipi është shumë i veçantë dhe pjesë e këtij videoklipi është edhe modelja e njohur shqiptare, Aurela Hoxha.
I tërë ky projekt i është besuar “Mantra & TullProductions”, i cili pritet të pëlqehet edhe nga fansat e këngëtarit Ramosaj, ku tanimë e gjeni edhe në kanalin YouTube.
Ky projekt i ri është pasues i punës së tij të fundit – trilogjia “Hiraeth” që u prit tejet mirë nga audienca e këngëtarit.
Nga ana tjetër, edhe Aurela ka publikuar disa sekuenca nga kënga e re e Albanit me përshkrimin, “Eksperiencë argëtuese të jem pjesë e kësaj videoje”.
