Ata kurrë nuk e kanë pranuar marrëdhënien e tyre, por asnjëherë nuk ngurrojnë që sukseset ndaj njëri-tjetrit t’i shprehin hapur.
Po flasim për Arbana Osmanin dhe regjisorin Eduard Grishaj.
Dyshja e njohur e showbiz-it shqiptar, janë sigurisht në top listën e çifteve më të komentuara në radhët e personazheve VIP dhe kjo i bën ata protagonistë thuajse të përditshëm të shtypit rozë.
Së fundmi Grishaj ka treguar hapur se cila është virtyti i Arbana Osmanit.
Ndërkohë që Eduarti ndodhet në Paris për punë, Arbana poston foto ushqimesh duke bërë që ky i fundit të mos e fshehë dot nepsin.
"Boo ç’më bëre apo nuk jam dhe në një vend që më hahet aq shumë,"– ishte komenti i Eduartit në një prej fotove të moderatores.
Por edhe Arbana i ka kthyer përgjigje ku shkruan: "Nuk ankohet njeriu për të ngrënë në Paris".
Por Eduarti nuk ia ka përtuar duke komentuar sërish":
“Jo në Paris por në asnjë vend të botës nuk ka si ushqimet që gatuan ti. Dhe e kam shumë sinqerisht këtë", – shkruan ai.
Moderatorja po përgatitet të hedhë në treg së shpejti librin e saj të dytë “Receta për 5 minuta”
