Javët e fundit lajmi i cili morri vëmendjen e të gjithëve ishte ndarja e dy reperëve Mozzik dhe Loredana e deklaratat që ata bënë në llogaritë e tyre individuale në ‘Instagram’, fill pas ndarjes.
Duket se gjërat midis dyshes nuk kanë mundur të qetësohen akoma, pasi Mozzik pritet të sjellë projektin e tij më të fundit muzikor me titull ‘Dhelpër Dinake’, e cila sipas fansave është një dedikim për ish-partneren e tij.
Nga ana tjetër, duket se Loredana është duke shijuar sukseset e albumit të saj më të fundit, për të cilin dhe është vlerësuar me çmime të ndryshme.
Së fundmi ajo ka publikuar një foto me vajzën e vogël në krahë, aty ku dhe ka treguar se çdo arritje të sajën ja dedikon asaj.
“Çdo gjë për ty Hana”, shkruan këngëtarja në postimin e fundit në ‘Instagram’ ku ka zbuluar se është vlerësuar me një tjetër çmim.
Pas ndarjes nga Mozzik, Loredana njoftoi gjithashtu se do ta vazhdojë e vetme turin e saj të quajtur ‘Bonnie&Clyde’, ndërsa theksoi që tashmë është një nënë beqare dhe se do i duhej të punojë shumë fort për vajzën e saj.
