Kosovarët tanimë kanë hapur dyert e shtëpive për familjet e prekura nga tërmeti në Shqipëri.
Tërmeti i ditës së djeshme, i cili ishte me magnitudë 6.4 shkallë të Rihterit, la të vdekur mbi 20 persona, qindra të tjerë të lënduar e shumë shtëpi të shkatërruara, andaj rreth 200 persona kanë gjetur strehim në Kosovë.
Ndër këngëtarët e estradës që ofruan strehim për njerëzit e prekur nga tërmetet në Thumanë dhe Durrës, është edhe reperi nga Peja, Asdren Gjikolli- Gjiko.
I njëjti përmes postimeve të publikuara në rrjetet sociale tregon se ka anuluar të gjitha koncertet që ishin paraparë të mbahen me datën 28 Nëntor- Ditën e Flamurit.