Prej disa ditësh, ka patur spekulime se Alketa Vejsiu po hakmerret ndaj të gjithë personave që komentuan performancën e saj në Festivalin e RTSH-së.
Performanca dhe fustanet e saj u përdorën në një skeç nga Marina Vjollca në emisionin e fundvitit.
Për këtë arsye, në faqen e Revistës Class, që thuhet se menaxhohet nga Alketa u bë një shkrim për motrat Vjollca, të cilat po shijonin pushimet në Dubai.
Pas kësaj, u fshi shkrimi dhe thuhej se Getoari po mundohej të kontaktonte me Alketën.
Nuk munguan edhe komentet në rrjetet sociale, ku një ndjekës i tha që të mos ngatërrohej me motrat Vjollca.
Ndërsa Alketa iu përgjigj me pozitivitet duke vënë në dukje se nuk ka asgjë me to.
“Janë super yje. I duam”, shkruajti ajo.
