Aktori i njohur i humorit ka qenë i ftuar në emisionin “Glamour Zone”. Ai ka folur gjatë për jetën e tij private dhe asaj profesionale.
Irgeni ka treguar një moment kur është ndjerë inferior me gjatësinë e tij.
Aspekti fizik të ka ndihmuar në aktrim apo më tepër të ka prishur punë?
Irgen Cela: Mendoj se një aktor, gjëja e parë që duhet të bëjë është të pranojë veten e vet ashtu siç është. Në momentin që ti pranon veten tënde ashtu siç je atëhere ti e di se çfarë mangësish ke dhe si mund t’i kthesh në forcë. E di se çfarë përparësish ke dhe ti punosh akoma më shumë ato përparësi. Të qenit i shkurtë unë e kam kthyer në avantazh në lidhje me punën dhe nuk e kam parë fare si pengesë.
Para se të kishe ketë vetbesim ka patur ndonjë moment që je ndier inferior?
Irgen Cela: Më riktheve shumë vite mbrapa, në periudhën kur unë po konkurroja në akademinë e arteve që isha gjimnazist. Më thanë që je shumë i vogël. Duhet të jesh pak i paraqitshëm dhe kur më thoshin këto gjëra zhgënjehesha sepse isha dhe i vogël. Por për fat të mirë ngaqë e kam dashur shumë fort aktrimin, kisha besim tek ëndrra ime, nuk rashë pre e këtyre fjalëve ose këtij dekurajimi. Ata jo se ma thonin se më donin të keqen por ashtu ishte steriotipi. Me besim, punë dhe dëshirë ja del.