Këngëtarja e re, Albora, e ka sjellë projektin e ri muzikor, të cilin e ka realizuar në bashkëpunim me reperin e mirënjohur, Stresi.
E titulluar “Kujtimet”, kjo këngë ka ardhur me muzikë të Irkenc Hykës, ndërsa tekstin e kanë shkruar Arkimed Lushaj dhe Petro Xhori.
Miksimin e ka bërë Jojo, ndërsa për anën vizuale është kujdesur Max Production që e ka xhiruar videoklipin.
“E kam shijuar çdo moment të përgatitjes së kësaj kënge dhe besoj se këtë do ta shikoni edhe vet”, ka shkruar këngëtarja në një publikim në Instagram duke i falënderuar të gjithë bashkëpunëtoret.
Ndërsa sa i përket Stresit, është shprehur: “Dhe i fundit, por jo më pak i rëndësishëm, faleminderit Stresi. Kam nderin më të madh të jem në një projekt bashkë me ty”.
