Këtë të mërkurë është ndarë nga jeta nëna e këngëtares Xhesika Polo. Lajmin e ka bërë të ditur vetë artistja nëpërmjet një postimi në instastory ku lajmëron për largimin e parakohshëm nga jeta të së ëmës.
“Lamtumirë mam”; shkruan Xhesika nën postimin më të vështirë e të trishtë të jetës së saj.
Florenca vuante prej kohësh nga një sëmundje e rëndë, betejën me të cilën nuk mundi ta fitonte.
E ndjera është edhe motra e këngëtares Valbona Mema, e cila me dhimbje i ka dhënë lamtumirën së motrës pak orë më parë.
“Lamtumirë motra ime e shtrenjt; qoftë i lehtë dheu për ty zemra ime”; kanë qenë fjalët e ndjera me të cilën Valbona ka ndarë me publikun lajmin e trishtë të largimit nga jeta të një prej njerëzve më të shtrenjtë të jetës së saj.