Simon Cowell u zotua t’i dhurojë 1.3 milionë funta, për të ndihmuar organizatat bamirëse që po luftojnë në mes të krizër së koronavirusit.
Ylli i muzikës, 60 vjeç, zbuloi për The Sun të shtunën se ai ishte ‘shkatërruar’ kur dëgjoi se shoqatat bamirëse, të tilla si Shooting Star e fëmijëve, po përpiqeshin të vazhdojnë shërbimet e tyre për shkak të ‘efektit të goditjes’ së pandemisë globale, shkruan DailyMail.
Simon tha që ai do të marrë 500,000 funta të deficitit me të cilin përballet Shooting Star, në të cilën ai është nënkryetar, dhe do të vazhdojë gjithashtu premtimet e tij.
Anëtari i jurisë në “The Britain’s Got Talent” tha gjithashtu se ai do të dhurojë për organizata të tjera, dhe do të tregojë mbështetjen e tij për Feeding Britani dhe Feeding America.
Simon shpjegoi: ‘Unë gjithashtu kam vendosur me ekipin tim në Syco të dhuroj 1.000,000 dollarë (800,000 £) në drejtim të nevojave të menjëhershme të disa prej njerëzve më të prekur nga ky virus, dhe kjo do të ndahet midis Feeding Britania dhe Feeding America.
“Nuk më pëlqejnë njerëzit e famshëm që u thonë njerëzve se çfarë të bëjnë, dhe e di se është një moment jashtëzakonisht i vështirë për kaq shumë – shqetësimet për familjen, shëndetin, punët, pagimi i hipotekës dhe ushqimi i familjes së tyre janë në pararojë të mendjeve të njerëzve”, shtoi ai.
Ai bën thirrje që kush ka mundësi të dhurojë në këtë situatë. Simoni shtoi se ai shpreson që pandemia globale të bashkojë publikun dhe do t’i ndihmojë njerëzit ‘të shohin botën ndryshe.’
